Terra de Bosques III
Eliminación de Especies Exóticas Invasoras
Voluntariado Ambiental
Nova data
👇
Sábado 4 de xuño 2022
(pola mañá)
Gustaríache participar nesta Actividade de Voluntariado Ambiental que realizaremos en colaboración coa Comunidade de Montes de Teis (Vigo)? ... Pois veña, animádevos e vaiamos botar unha man xunt@s.
Será unha xornada aberta e de concienciación para todas as persoas que de xeito voluntario desexen axudar na realización de tarefas sinxelas de eliminación de especies exóticas invasoras; acacias, eucaliptos, etc.
Acondicionaremos a parcela escollida para en vindeiras edicións poder facer plantación de árbores frondosas axeitadas coa contorna.
Visitaremos as plantación realizadas nos últimos anos xunto coa C.M.V.M.C. de Teis, comprobando a evolución das mesmas e a gran melloría da contorna a día de hoxe.
Para porlle freo ao eucalipto, acacias e outras invasoras, temos que facer moitas cousas en todos os eidos, pero o camiño faise andando, e nada mellor que coñecer no propio terreo esta problemática.
Saída ás 08:30 en vehículos particulares dende o lugar de costume no centro de Vigo. Se alguén quere desprazarse ata o lugar da actividade directamente sen pasar polo centro de Vigo, que o comunique no momento de inscribirse e informaremos do lugar e hora exacta da actividade.
Levade botas de monte e roupa un pouco vella para poder facer este tipo de tarefas.
Por si queredes cambiarvos despois das labores de campo, levade calzado e roupa de reposto.
Inscricións na secretaría Tel. 686-986-784 dende o xoves 26 de maio ata o xoves 2 de xuño, en horario de 19:30 a 21:30 h.
Para poder xestionar mellor esta actividade pregamos non demoredes a inscrición.
Consultade sen compromiso calquera tipo de dúbida no momento da inscrición, e o mellor para todos.
👇
👇
Implícate e participa!
Dado que Bidueiro é unha Asociación sen ánimo de lucro e con xestión totalmente altruísta, e grazas especialmente á colaboración de todas as persoas socias, nas actividades mantemos uns prezos moi económicos. A maiores, como axuda a xuventude, as persoas menores de cuarenta anos dispoñen dun desconto do 50% nas actividades.👪
*****
Como sempre, aparte da información que figura aquí na web, recibiredes información máis polo miúdo da actividade nos correos electrónicos.
As actividades da Asociación Bidueiro, excepto as de voluntariado, están dirixidas exclusivamente a soci@s, pero sempre reservamos algunha praza para calquera outra persoa que comparta os fins da Asociación. Estas persoas poderán participar en calidade de "convidadas" para coñecernos mellor. Se queredes acompañarnos consultade sen compromiso esta posibilidade na secretaría.
Somos unha Asociación totalmente aberta onde todas as persoas son ben acollidas, xa que un dos nosos fins sociais é, "promover as relacións sociais das persoas no eido xeracional, intercultural e xeográfico".
Podedes acceder a máis información sobre as seguintes actividades da Asociación no menú principal desta web, premendo nas pestanas "Vindeiras Actividades" ou en "Programa Anual"
Asociación Bidueiro
Cultura, Natureza e Relacións interxeracionais sen ánimo de lucro 👍
👉Xestión altruísta
