Sempre hai flores para aqueles que queren velas ** Roteiros culturais con Bidueiro ** Participa ** Imos coñecer para protexer ** Sendeirismo ambiental con Bidueiro ** Imos gozar ** Implícate ** Terás novos amigos ** Buscabas un sitio así e acábalo de atopar ** Benvid@ a Bidueiro **

xoves, 10 de xuño de 2021

Patrimonio e Natureza de Mondariz

Como proba piloto e para ir adaptándonos pouco a pouco a nova situación sanitaria, claramente mellorada, o domingo 20 de xuño faremos unha actividade ao aire libre. Como xa sabedes, por agora favoreceremos as actividades ao aire libre e con desprazamento en vehículos particulares, circunstancia que iremos mudando segundo evolución da situación sanitaria, claramente mellorada a día de hoxe, e tamén segundo a vosa resposta ás actividades nesta nova etapa que agardamos sexa a definitiva desescalada, deixando atrás dunha vez por todas o pesadelo da pandemia.
Ben, como xa dixemos, a actividade será o domingo día 20 de xuño e o plan é o seguinte:
Sairemos as 09:00 h. en vehículos particulares dende Vigo.(presentarse 10 minutos antes no lugar da saída).
Faremos unha camiñada polas beiras do río Tea dentro dos concellos de Mondariz e Mondariz Balneario, coñeceremos o seu patrimonio arquitectónico, cultural e natural, visitaremos varias praias fluviais, os manantiales das famosas augas de Troncoso e A Gándara, Balnearios, Edificios Emblemáticos, Mercados Populares, Pontes e Poldras do Tea, etc.

É imprescindible a inscrición na secretaría da Asociación chamando ao teléfono 686-986-784 (horario de 19:30 a 21:30 h) Dende o xoves da semana anterior á actividade ata o xoves da propia semana da actividade.
A distancia a percorrer durante a camiñada será entorno aos 14 km. e cunha dificultade media-baixa.
O percorrido farase ao longo de toda a xornada e no mesmo haberá múltiples paradas para coñecer os diferentes puntos de interese, bañarse quen a sí o desexe, xantar, etc.
Hai que levar a comida e a bebida na mochila, calzado axeitado para camiñar por carreiros.
Quen o desexe que leve bañador porque teremos a posibilidad de bañarnos no Tea.
Visitaremos o mercadillo de Mondariz antes de xantar, polo que si queredes mercar algo para picar e unha boa ocasión para facelo porque hai un pouco de todo.
Os participantes debemos respetar as medidas sanitarias en vigor e por agora seguir a utilizar máscara.
Non esquezades chamar ao 686-986-784 para reservar billete no tranvía a Mondariz.

Importante e a ter en conta en calquera camiñada de Bidueiro:
As saídas e rutas de Bidueiro son para gozar, coñecer, relacionarse, aprender, divulgar, protexer e colaborar.

Para as camiñadas debemos de estar mínimamente afeitos a percorridos similares e que nos guste facelo en contornas naturais, polo que case calquera pode participar. O mellor e informarse polo miudo de antemán na Asociacición. 

Maioritariamente nosas camiñadas son de dificultade Media-Baixa, nalgún caso de dificultade Media e moi excepcionalmente de dificultade Media-Alta sen chegar núnca a dificultade Alta. Facemos percorridos na procura do interese natural, cultural ou social. Por norma camiñamos a un ritmo normal e sen presas, porque non nos gusta ir a correr, pero o que sí nos gusta e procurar respetar os horarios e pensar en todos. Igualmente, tentamos non facer rutas de máis de 18 km. sendo a gran maioria de entre 12 e 16 km. (loxicamente a orografía do terreo e o desnivel acumulado influen moitísimo en que as poidamos facer máis cortas ou máis longas), evitando na medida do posible grandes desniveis ou dificultades técnicas de calquera tipo, salvo algún caso moi puntual que polo seu interese especial fagao imprescindible, o que se comunicaría previamente.

Debemos adaptarnos e respetar as particularidades do grupo de participantes, así como as indicacións dos persoas responsables da actividade según o caso; directivos, monitores, guías ou calquera outro colaborador na mesma.

Ao longo dos percorridos indicaráse os lugares máis axeitados para facer as paradas que sexan precisas; descansar, comer, visitas, etc. O ritmo da camiñada e normal e sen presas, sempre dentro dos horarios estimados previamente para toda a xornada, que para non verse alterados debemos respetar.

As saídas poderanse suspender en calquera momento, por motivos organizativos, climatolóxicos ou por calquera outro imprevisto, sempre co obxetivo de garantir a seguridade dos participantes, ben sexa antes de dar comenzo ou no transcurso da mesma. En caso de cancelación previa das actividades, comunicarase telefónicamente ás persoas inscritas.

Aconsellamos leer detidamente todas as recomendación e normas sobre as actividades da Asociación Cultural Bidueiro, en particular sobre as camiñadas. Ante calquera tipo de dubida sobre este particular, agardamos que fagades sen compromiso todas as consultas que consideredes precisas, así mesmo calquera suxerencia será ben recibida buscando sempre o mellor para todos.

Ven gozar con Bidueiro!

mércores, 9 de xuño de 2021

Retomamos as actividades con grupos reducidos



Dada a melloría da situación sanitaria derivada da covid-19, en gran medida polo nivel de vacinación, estamos retomando paseniñamente as actividades.

Consultade a web periódicamente porque xa hai actividades programadas para as vindeiras datas e con listas de inscricións abertas.

Saúdos  para tod@s.


domingo, 6 de xuño de 2021

A Asociación Bidueiro no día do Medio Ambiente 2021

Así estaba onte sábado día 5 de xuño a #PrazadoObradoiro con motivo da marcha #EólicaAsíNon que transcurreu polas rúas de #SantiagodeCompostela. Milleiros de persoas e centos de asociacións estivemos presentes en Compostela coincidindo co día mundial do Medio Ambiente para amosar o noso rexeitamento á invasión eólica en Galicia.

Xa que gran parte da prensa non compartiu esta nova, a continuación engadimos un breve resumo fotográfico do transcurxo da xornada. 












(Fotografías compartidas por diferentes Asociacións participantes nesta xornada reivindicativa)

Grazas a tod@s por ter participado.
#bidueiro



martes, 1 de xuño de 2021

EÓLICA, ASÍ NON!

GRAN MARCHA NO DÍA DO MEDIO AMBIENTE 2021
EÓLICA, ASÍ NON!
Sábado 5 de xuño
Prevese unha unha asistencia masiva a esta manifestación que partirá da Alameda de Santiago ás 12 do mediodía do sábado 5 de xuño. A marcha transcorreará polas rúas compostelás ata chegar á Praza do Obradoiro na que se lerá o manifesto e se gardará un minuto de silencio simbólico por todos aqueles territorios do país que xa foron destruídos ou se están vendo ameazados pola ocupación eólica.

A marcha contará co pertinente servizo de orde para garantir o cumprimento de todas as medidas de seguridade obrigadas diante da actual situación de pandemia. As persoas que queiran participar nesta gran marcha deberán gardar a mínima distancia de seguridade e levar posta sempre a máscara.


MÁIS DE 130 COLECTIVOS ESIXIRÁN O DÍA DO MEDIO AMBIENTE A PARALIZACIÓN DOS PREXECTOS EÓLICOS EN TRAMITACIÓN NA GALIZA
  • Na última semana sumáronse ao manifesto "Eólica, Así Non" máis dun cento de entidades e colectivos galegos de toda índole.
  • A actirz Patricia Vázquez conducirá o acto na Praza do Obradoiro, onde rematará a marcha en contra da invasión eólica de Galiza.
Santiago de Compostela, a 3 de xuño de 2021.- Máis de 130 colectivos, plataformas e entidades galegas de todo tipo (ecoloxistas, veciñais, sociais, culturais, sindicais, políticas...) botaranse este sábado 5 de xuño ás rúas de Compostela para manifestar o seu rexeitamento contra a invasión eólica de Galiza. Así pois, ás 22 entidades convocantes da marcha, sumáronse na última semana máis dun cento de organizacións de diversa índole que subscriben o manifesto "Eólica, Así Non" e que amosan a súa vontade de participar na manifestación do 5 de xuño, con motivo do Día Mundial do Medio Ambiente. Estas organizacións únense ao chamado á participación da sociedade galega nunha grande mobilización social que esixa dun xeito contundente e masivo a paralización urxente de preto de 200 proxectos eólicos que arestora están en tramitación nas administracións da Xunta e do Estado e que pretenden asentarse dun xeito caótico e irracional no noso territorio.

O manifesto "Eólica, Así Non" que subscriben todas estas entidades advirte das graves deficiencias que presenta o actual modelo de desenvolvemento eólico de Galicia e que considera desfasado, colonial, inxusto e insostibel. Insta a derrogar o actual Plan sectorial eólico por carecer de ordenamento e avaliación ambiental e favorecer a especulación e o negocio do aligopolio enerxético por riba do ben común, dos dereitos das persoas, do futuro do rural, ou da preservación da paisaxe, da contorna natural e do patrimonio cultural.

Segundo as entidades adheridas ao manifesto, a transición enerxética está sendo usada como escusa polas grandes multinacionais da enerxía para facer o seu particular "lavado verde" e destruír de novo o territorio galego coa conivencia das administracións públicas e a regalía dos fondos europeos. O escrito chama a atención sobre o papel de Galiza como territorio xa especialmente prolífico na produción de enerxías renovábeis, que xa supera o consumo actual e exporta o 30% da electrecidade xerada.

As máis de 130 organizacións que teñen intención de participar nesta Gran Marcha contra invasión eólica tamén reclaman á Xunta a derrogación da Lei de fomento da implantación de iniciativas empresariais (2017) e a Lei de simplificación administrativa (2021) ("Leis de depredación") que rebaixan as garantías ambientais e restrinxen os dereitos dos cidadáns.
Porén, como reza o manifesto "Eólica, Así Non" estas entidades apoian as enerxías renovábeis, mais avogan por un cambio de modelo de desnvolvemento eólico cara a un sistema descentralizado, baseado na soberanía enerxética, no fomento do aforro, da eficiencia enerxética e do autoconsumo e na xestión pública do recurso ao servizo da sociedade galega. 
#EólicaAsíNon

Da Alamaeda á Praza do Obradoiro

Dado o amplo número de entidades convocantes e adheridas que participarán nesta gran mobilización social, prevese unha elevada afluencia de manifestantes este sábado en Santiago de Compostela.

A marcha sairá ás 12 horas desde a Alameda e seguirá o seguinte percorrido: Rúa da Senra, Praza de Galicia, Rúa Doutor Teixeiro, Rúa República do Salvador, Rúa Hórreo, Rúa das Orfas, Cantón do Toural, Rúa do Vilar, Rúa Xelmirez, Rúa de Fonseca, Rúa do Franco, ata chegar á Praza do Obradoiro.
O remate do percurso terá lugar ao pé da Catedral de Santiago onde se lerá o manifesto "Eólica, Así Non" por voceiros/as de colectivos que representan as ducias de plataformas sociais ou veciñais de toda Galiza especialmente afectadas pola actual invasión eólica. O acto será conducido pola actriz Patricia Vázquez e estará amenizado polo son de bombos e gaitas.

Co gallo de cumprir coas necesarias medidas de seguridade e velar polo adecuado discorrer da marcha de manifestantes, contarase cun servizo de orde. Malia todo, prégase aos colectivos e persoas paticipantes que sexan responsábeis, garden as distancias de seguridade e leven sempre posta a máscara de protección. 
 

LISTADO ENTIDADES CONVOCANTES E ADHERIDAS Á MANIFESTACIÓN “EÓLICA, ASÍ NON”
DÍA DO MEDIO AMBIENTE, 5 DE XUÑO, SANTIAGO DE COMPOSTELA
Entidades convocantes:
1. Asociación para a Defensa Ecolóxica de Galiza – ADEGA
2. Amigos da Terra
3. Confederación Intersindical Galega - CIG
4. Federación Ecoloxista Galega - FEG
5. Federación Rural Galega - FRUGA
6. Verdegaia
7. Rede do Patrimonio Cultural
8. Rede Galega por un Rural Vivo
9. Aldeas Libres de Macroeólicos-Non ao Macroparque Ordes-Curtis
10. Amigas das Árbores de Ourense
11. Asemblea do Suído
12. AA.VV. O Outeiro de Sanamede de Monte - Afectados Troitomil de A Baña
13. Asociación Roxín Roxal
14. Asociación O Sorriso de Daniel
15. Asociación veciñal, cultural, deportiva e recreativa do barrio da Agra do Orzán "Agra"
16. Calo rural
17. Colectivo A Rula
18. Plataforma pola protección da serra do Galiñeiro
19. Plataforma pola Recuperación do Sar, Quijote de Outes
20. Rede do Rural
21. Salvemos A comarca de Ordes
22. Sos Encrobas.

Entidades adheridas:
1. A Gentalha do Pichel
2. A Rente Do Chan – Pladever
3. A. C. Movemento Oia
4. Aire Limpo nas Mariñas – Mandeo
5. Alarma na Terra de Montes
6. Anova Irmandade Nacionalista
7. Arquitectura Sen Fronteiras
8. As Tres Nebrosas
9. Asemblea Republicana Galega
10. Asociación A Volta Grande do Courel
11. Asociación A-Legre
12. Asociación Ambiental Senda Nova
13. Asociación Amigos do Patrimonio de Castroverde
14. Asociación Boa Vida – FISA
15. Asociación Cultural "Vagalumes" de Tabeirós-Terra de Montes
16. Asociación Cultural Arumes do Corgo
17. Asociación Cultural Bidueiro
18. Asociación Cultural Eira Vella
19. Asociación Cultural Eme de Meira
20. Asociación de Afectados polo Vertedoiro de Lesta
21. Asociación de Escritoras e Escritores en Lingua Galega – AELG
22. Asociación Fonte Seca
23. Asociación Galega de Consumidores e Usuarios – ACOUGA
24. Asociación Galega de Custodia do Territorio – AGCT
25. Asociación Naturalista do Baixo Miño – ANABAM
26. Asociación para a Custodia do Bosque Atlántico Betula
27. Asociación pola Defensa da Ría – APDR
28. Asociación pola protección animal Abeiro
29. Asociación REBINXE
30. Asociación socioeducativa Antonio Gandoy
31. Asociación Veciñal Chan da Rotea
32. Associaçom Cultural O Quilombo
33. Associaçom José Afonso - AJA (Galiza)
34. Bloque Nacionalista Galego – BNG
35. C.D.R. "O Viso"
36. Causa Galiza
37. Centro Social Gomes Gaioso
38. Club Alpino Ourensán
39. Club de Montañismo Montañas de Trevinca
40. Club Montañeiros Celtas
41. Club Peña Trevinca Montañeiros de Galicia
42. Co-mando Ghichas
43. Colectivo Agrocuir da Ulloa
44. Colectivo Capitán Gosende
45. Colectivo Ecoloxistas do Salnés – CES
46. Colectivo Feminista Deza Tabeirós
47. Colectivo Terra
48. Comité de Defensa das Rías Altas
49. Comité Galego do PCE (m-l)
50. Compostela Aberta
51. Comunidade de Montes de Candeán
52. Comunidade de Montes de Coruxo
53. Comunidade Vangarda Obreira de A Coruña
54. Contramínate
55. Donas de Nós
56. ECOAR))) Global
57. Ecoloxistas de Catoira
58. Eiquí Eólicos Non
59. Erguer. Estudantes da Galiza
60. Escolas de Ensino Galego Semente
61. Federación de Asociacións Culturais GALIZA CULTURA
62. Fundación EIRA
63. Galicia Ambiental
64. Galiza Nova
65. GREFA
66. Grupo Naturalista Hábitat
67. Instituto de Estudos Miñoráns – IEM
68. Interior Galego Vivo – IGV
69. Lagares Vivo
70. LS. Faísca de Vigo
71. Marea Atlántica
72. Mesa Eólica Merindades de Burgos
73. Mina Alberta Non
74. Mina Touro O Pino Non
75. Movemento Arredista
76. Movimento Ecoloxista da Límia – MEL
77. Músicas ao Vivo
78. Non L.A.T. Carmoega Galegos
79. Nova Escola Galega
80. O Rural Quere Xente
81. Patrimonio dos Ancares
82. Plataforma Afectados polos Eólicos Lalín
83. Plataforma Bierzo Aire Limpio
84. Plataforma Casalonga limpa de residuos
85. Plataforma de veciños/as afectados/as Eólicos Vila de Cruces
86. Plataforma Defensa do Sur da Dorsal Galega
87. Plataforma en defensa da Ría de Sada e Betanzos
88. Plataforma Galega pola Terceira República
89. Plataforma non eólicos Bustelo-Campelo-Monte Toural
90. Plataforma pola defensa de Corcoesto e Bergantiños
91. Plataforma polo Monte As Salgueiras
92. Plataforma Salvemos Catasós
93. Plataforma veciñal mina Touro O Pino non
94. Platatorma para la Defensa de la Cordillera Cantábrica – PDCC
95. Rebeldía Galicia
96. Rede Decrecemento Eo-Navia Galiza O Bierzo
97. Rente ao Couce
98. S.O.S. Patrimonio Monte do Gato Seselle
99. Salvemos o Támega
100. Sindicato de traballadoras e traballadores do ensino de Galiza – STEG
101. Sindicato Labrego Galego – SLG
102. Sociedade Galega de Historia Natural – SGHN
103. Sociedade Galega de Ornitoloxía – SGO
104. Sos Groba
105. SOS Suído Seixo
106. Stop eólicos Negreira
107. Tarabela. Grupo de Consumo Responsable.
108. Unión da Mocidade Galega
109. Véspera de Nada

Presentación da campaña o pasado 28 de maio.

MANIFESTO POR UN NOVO MODELO DE DESENVOLVEMENTO EÓLICO PARA GALIZA

Atopámonos nunha situación de espolio enerxético, na que Galiza volve ser territorio de sacrificio diante dun modelo oportunista e fraudulento de proxectos eólicos fragmentados para esquivar a normativa legal e que invaden o noso espazo de vida. Centos de proxectos que devalúan as economías locais, prexudican a calidade de vida das persoas, degradan as comunidades que vivimos no rural, atentan á titularidade da terra e á explotación dos seus recursos polos seus propietarios a título individual ou comunitario deteriorando ademais o medio natural, a paisaxe e o patrimonio. 

O desenvolvemento masivo, sobredimensionado e sen planificar das instalacións eólicas a grande escala, e en ausencia de políticas de aforro e eficiencia da enerxía, supón múltiples impactos, impactos que son irreversíbeis. Non hai excepcións á súa localización: proximidade ás vivendas, invadindo tanto zonas de interese agrogandeiro como espazos naturais protexidos, e mesmo literalmente colocados enriba de petróglifos, de patrimonio irrecuperábel unha vez asentada a infraestrutura. 

O actual sistema para a implantación da enerxía eólica en Galiza segue rexéndose por unha planificación sectorial caduca (finais dos anos 90) e por unha lexislación que favorece o oligopolio enerxético fronte aos dereitos das comunidades locais afectadas e o interese colectivo. Unha normativa agravada pola Lei galega de fomento da implantación de iniciativas empresariais de 2017 e pola Lei de simplificación administrativa deste mesmo ano 2021. Son as “Leis de Depredación”, que permiten axilizar a tramitación e posta en marcha dos novos proxectos eólicos restrinxindo a participación pública, facendo irrelevante a conservación do medio natural e do patrimonio, e outorgándolle ás empresas dereitos de usurpación das terras.

Neste momento xa superamos os 100 concellos con parques eólicos, temos máis de 4000 aeroxeradores instalados nos nosos montes... 4000 dise moi rápido!, pero cada unidade de muíño, só para a súa superficie de uso vertical, precisa dunha superficie maior á que ocupa a Praza do Obradoiro compostelá. Galiza conta co 14% da potencia eólica instalada no Estado español, malia que representa menos do 6% da súa superficie. Ten o maior nº de aeroxeradores por habitante do Estado español. Aquí, en 2020, a potencia instalada atinxiu os 130 kW/km2 , fronte os 54 kW/km2 do Estado español, ou os 72 kW/km2 de Alemaña. 

Cunha produción renovable (eólica e hidroeléctrica) que supera o consumo actual, o 28% da electricidade producida segue a exportarse fóra do país, mentres o subministro á cidadanía, empresas e industrias galegas seguen a ser dos máis caros do Estado. Tamén en 2020, a potencia eólica instalada superou a potencia hidroeléctrica, polo que Galiza se atopa diante dun novo proceso de colonización enerxética que no franquismo destruíu os ríos e agora vai polas terras e montes mentres se mantén a moita xente na pobreza enerxética. Galiza necesita ter soberanía sobre dos seus recursos e capacidade para decidir o modelo de desenvolvemento a implantar para que este reverta na maioría social do país. 

As plataformas e colectivos que asinamos este manifesto estamos a favor das enerxías renovábeis, pero sempre que sexan sustentábeis, non á costa da destrución do medio ambiente e comprometendo a calidade de vida das galegas e galegos. Demandamos un novo marco normativo que contemple e cumpra sen excepcións as seguintes dez premisas de cara a un novo modelo de desenvolvemento eólico na Galiza:

1. Moratoria das instalacións en tramitación, sexan competencia da Xunta ou do Estado español, e redacción dun novo Plano Sectorial Eólico sometido a avaliación ambiental estratéxica.

2. Protección dos servizos ecosistémicos que prestan a biodiversidade e a xeodiversidade, chaves para amortecer os efectos da mudanza climática e para aumentar a resiliencia dos ecosistemas dos que depende a vida. 

3. Ampliación da superficie protexida de Galiza. Só o 11,5% da supeficie galega está ambientalmente protexida. Reclamamos unha vez máis á Administración galega que cumpran co mandado da UE e que amplíe dun xeito urxente os espazos naturais protexidos en Galiza como Rede Natura 2000, únicos espazos nos que a día de hoxe se prohíbe por lei a instalación de novos proxectos eólcos.

4. Unha transición ecolóxica ordenada, xusta e ao servizo do país. Rexeitamos que á costa do territorio galego, as grandes industrias contaminantes aproveiten a ocasión do negocio eólico para facer o seu lavado verde, sen ter previamente reparado a súa débeda ecolóxica nin resolto o impacto social xerado. O pobo galego debe ser quen decida sobre o aproveitamento dos seus recursos e o seu modelo económico, capaz de procurar un equilibrio territorial e ambiental, que evite a destrución de emprego e a emigración, e que pule pola enerxía como ben básico ao servizo do pobo.

5. Fomento do aforro, a eficiencia e a autosuficiencia e soberanía enerxética, o fomento do autoconsumo, a produción á pequena escala e a xestión pública galega. A transición enerxética debe partir dun plan orientado á redución das necesidades da sociedade e medidas de xestión da demanda. Fronte á produción ilimitada, os recursos enerxéticos de Galiza deben basearse en criterios de aforro, eficiencia e autosuficiencia enerxética. Cómpre apostar por proxectos de produción e autoconsumo a pequena escala, reducindo distancias entre xeración e consumo, evitando o transporte innecesario da enerxía coas perdas que este ocasiona. 

6. Data de caducidade para as concesións eólicas existentes. Esiximos que o dereito á explotación do vento en Galiza, como recurso natural de caracter público, sexa outorgado a través de concesións con data de caducidade. 

7. Capacidade local de decisión. Os parques eólicos son considerados por defecto de “utilidade pública”, malia ser de iniciativa privada, prevalecendo por riba de calquera outro dereito e implantándose sen diálogo social. Apoiamos que propietarios/as das terras afectadas teñan capacidade de negociación coas promotoras dos parques eólicos e que se elimine o dereito da expropiación directa. 

8. Esiximos unha normativa xusta para a sociedade, non a favor do lobby eólico. Deben derrogarase as “leis de depredación” que fan imposible que a consulta pública dos proxectos sexa participativa, real e efectiva. Esiximos tamén a prohibición da fragmentación dos proxectos eólicos e do seu uso como vía para esquivar as avaliacións de impacto ambiental. Así mesmo, é imperativo adaptar a normativa eólica para facela compatible coa normativa ambiental, de patrimonio e da paisaxe. 

9. Cumprimento da normativa para a protección do medio ambiente. Esiximos do Goberno Galego a aprobación urxente dos plans de conservación de especies en perigo e vulnerábeis, e a actualización e catalogación das especies no listado de Réxime de protección especial. O goberno debe esixir Estudos de Impacto Ambiental de calidade, independentes e non fraudulentos. 

10. Paralización e prohibición dos muíños eólicos próximos a núcleos de poboación. O actual modelo eólico prevé que aeroxeradores -que hoxe superan os 150 metros de altura- se coloquen a 500 metros das vivendas, unha distancia claramente insuficiente que ten efectos na calidade de vida das persoas, fomentando o empobrecemento da sociedade rural, depreciando os seus bens materiais, culturais e ambientais, constituíndo unha motivación máis para abandonar un rural que nos últimos 30 anos xa perdeu 2000 núcleos de poboación. Este muíños constitúen unha intensa contaminación acústica, risco de incendio, e impactos das infraestruturas auxiliares. Reclamamos ademais a retirada daqueles que aeroxeradores que xa se atopen nesta situación. 

EÓLICA, ASÍ NON! 

Santiago de Compostela, xuño 2021

Revista "El Jueves"
Vémonos en Compostela!
#bidueiro