Xantar de Nadal 2019 con Bidueiro

Xantar de Nadal 2019

Domingo 15 de Decembro
Preme aquí e verás fotografías da actividade

Xantar de confraternidade que celebraremos nun restaurante de Combarro (Poio).

Teremos visitas culturais previas na contorna.

A lista de inscricións estará aberta dende o xoves 5 ata completar aforo dispoñible no restaurante, polo que é moi importante que vos anotedes axiña, a poder ser antes do mércores 11 para asegurar praza.

Tamén podedes participar no "amigo invisible" que faremos este día. Os agasallos serán anónimos, unisex e a un prezo simbólico.

Coma sempre, inscricións na secretaría Tel. 686-986-784 en horario de 19:30 a 21:30 horas.

Entregaranse a todos os participantes un fermoso calendario de sobremesa coas mellores imaxes de Bidueiro no 2019. 

Senda do Lérez e Torres de Pontevedra

Senda do Lérez e Torres de Pontevedra
Domingo 1 de Decembro

Pontevedra
Preme aquí e verás fotografías da actividade

Saída ás 09:30 horas en vehículos particulares dende Vigo

Camiñada polas beiras do río Lérez e xardíns de Pontevedra.

Visita guiada ao Centro de Interpretación das Torres Arcebispais en Pontevedra

Un roteiro para coñecer lugares históricos entre os que salientamos; torres arcebispais, illa das esculturas, balneario do Lérez, presa de Ponte Bora, desembocadura do río Lérez, xardíns e ría de Pontevedra, etc.

A lonxitude total da roteiro será de 16 km. aproximadamente, de dificultade media-baixa e practicamente sen desniveis

Esta será unha versión un pouco máis longa do roteiro tradicional, un percorrido ampliado pola contorna da cidade de Pontevedra e adaptado por Bidueiro para compaxinar camiñada e actividade cultural.

Hai que levar na mochila a comida para o xantar, o que faremos nun lugar axeitado para elo.

Coa visita ao Centro de Interpretación das Torres Arcebispais (CITA) coñeceremos un pouco meñor unha parte da historia da cidade de Pontevedra.

Inscricións e información na secretaría Tel. 686-986-784 de 19:30 a 21:30 h. dende o xoves 21 ata o xoves 28 de novembro.

#bidueiro é unha asociación sen ánimo de lucro

Desconto do 50 % a menores de 40 anos.

Bidueiro cos pés na terra!!

Magosto Social 2019

MAGOSTO SOCIAL

Domingo 17 de novembro

Parque Natural do Monte Aloia
Preme aquí e verás fotografías da actividade

As 09:30 horas sairemos en vehículos particulares dende Vigo, para o cal é preciso presentarse 10 minutos antes no lugar de reunión.

Podedes desplazarvos de forma individual ou compartir plazas e gastos dos vehículos.

Camiñada previa (opcional)  CANCELADA por mal tempo.

Visita ao Centro de Interpretación do Parque Natural do Monte Aloia.

Paseo polo Parque Natural (opcional)

Para xantar podedes levar a vosa propia comida e bebida ou reservar o rico menú que ofrecemos na Asociación. Este menú ten duas opcións moi económicas, igual que a propia actividade. Informate sen compromiso na Asociación.

Se queres xantar o menú tes que indicalo no momento de inscribirte ao Magosto e solicitar unha das opcións dispoñibles. 

En calquera caso, hai que levar da casa os cubertos para xantar e se queredes tamén podedes levar algún postre para compartir.

Ábrese a lista de inscricións o xoves 7 e péchase o xoves 14.

En caso de mal tempo cancelariase a camiñada e manteriase o xantar e magosto. 

Ímolo pasar moi ben, ven a compartir alegría e amizade!!

Inscricións na secretaría Tel. 686-986-784 de 19:30 a 21:30 horas.

Bidueiro, sitio distinto!!