Voitres negros na Serra do Cando (Galicia)

Alas que paran molinos

28-07-2019

Un ejemplar de buitre negro. DP

El avistamiento de varios ejemplares de buitre negro sobrevolando la Serra do Cando obliga a Medio Ambiente a cerrar temporalmente el eólico de la zona durante los últimos días, diversos colectivos ecologistas han detectado la presencia de varios ejemplares de buitre negro sobrevolando la zona de la Serra do Cando y más específicamente los alrededores del parque eólico ubicado en sus proximidades. La aparición de estas aves, consideradas «vulnerables» por el Catálogo Español de Especies Amenazadas, obligó a la Xunta a actuar de manera rápida y contundente. Por el momento, se ha ordenado el cese «cautelar y provisional» de la actividad del parque eólico durante los próximos quince días.

Un operativo compuesto por varios técnicos de la Consellería de Medio Ambiente trabajará en la zona con un único objetivo: proteger a los buitres y alejarlos hacia una zona donde no corran peligro y donde la actividad eólica no se vea perjudicada por su presencia. Para ello estudiarán el terreno y, una vez confirmada la presencia de las aves, decidirán las medidas a tomar. La intención es garantizar la supervivencia de esta especie, cuya población se reduce a las 2.548 parejas en toda la península y, si es posible, reanudar la actividad eólica a partir del 19 de julio.

Desde la Sociedad Española de Ornitología (SEO) hablan de una «evolución positiva», durante los últimos años, de los datos de población de esta especie, considerada como la rapaz más grande de Europa. Sin embargo, los expertos creen que todavía sigue en riesgo y amenazada de extinción.

Su área de nidificación se ubicaba originalmente en las zonas del centro y el oeste peninsular, así como las costas de Mallorca, pero la prueba de reintroducción en Cataluña resultó satisfactoria. Extremadura sigue siendo la comunidad con más ejemplares.

Galicia, por el contrario, no se encuentra en la lista de siete comunidades donde habita el buitre negro. Esto no ha impedido que durante los últimos años hayan sido notificados avistamientos en lugares tan lejanos de su hábitat natural como Cerponzóns, Moraña o A Lama. Ahora que el buitre negro vuelve a sobrevolar los cielos gallegos con sus gigantescas alas y con sus más de 10 kilos de peso, cualquier medida resulta insuficiente para garantizar su seguridad. En nuestra mano está preservar su existencia por muchos años más.

Fonte: https://www.diariodepontevedra.es/

L.(C.C.) /Autor:Juan Salgado Miranda

Vacacións de agosto

No mes de agosto faremos un descanso nas actividades. 

A primeira actividade do mes de setembro será o domingo 15 con unha nova proposta sociocultural, para a cal abrirase a lista de inscricións o xoves día 5 e pecharase o xoves 12.

Para a saída a Taramundi dos días 28 e 29 de setembro xa casi non quedan prazas dispoñibles. Se queres participar inscribete xa!!

A secretaría seguirá operativa para calquera trámite durante o mes de agosto, atendendo como sempre no teléfono 686-986-784 en horario de 19:30 a 21:30 horas.

En kayak con Bidueiro

En kayak con Bidueiro

Domingo 21 de Xullo de 2019
Preme aquí e verás fotografías da actividade

Saída en vehículos particulares dende Vigo ás 10:00 horas (hai que presentarse 10 minutos antes no lugar de reunión).

Hai que levar bañador e recomendable chanclas cerradas.

Desde a praia de Eiras no concello de Tomiño descenderemos polo río Miño ata a desembocadura do río Tamuxe...

... e remontaremos as tranquilas augas do río Tamuxe ata o fermoso muiño das Aceñas.

Importante: Esta é unha activiade para principiantes e non é preciso ter coñecementos previos. Hai que seguir as indicacións dos monitores.

Recibiremos indicacións previas sobre o manexo dos kayaks, remos, etc.

Actividade guiada e supervisada en todo momento por monitores especializados.

Os kayaks que utilizaremos serán de duas prazas polo que navegaremos por parellas.

Hai que levar posto o chaleco salvavidas que se entregará a cada un dos participantes ao comenzo da actividade. Igualmente, haberá traxes de neopreno para todos e será opcional a súa utilización.

Hai que levar roupa e calzado de reposto para cambiarse ao finalizar, e tamén unha toalla.

Despois de rematada a travesía náutica en kayak, desplazarémonos ata a praia de Eiras para recoller os coches e dende alí iremos a xantar a unha praia fluvial da contorna. Pola tarde relax e gozar do praia no río Miño. 

Hai que levar a comida da casa e quedará nos coches ata a hora do xantar. No compartimento estanco do kayak podedes levar algo para picar a media mañá, sempre que sexan cousas que non avulten moito.

Inscricións na secretaría Tel. 686-986-784 de 19:30 a 21:30 h. desde o xoves 11 ata o xoves 18 de xullo.

Se queres acompañarnos pero calquera motivo non podes navegar nos kayaks, haberá un grupo de compañeiros que farán unha curta camiñada polas beiras do Miño e Tamaxe, para logo xantar todos xuntos.

Ven a gozar con #bidueiro desta refrescante actividade e última antes das vacións de Agosto.

El manuscrito de Ribadavia

"El manuscrito de Ribadavia" trátase dunha novela histórica que narra, a través das vivencias de varias xeracións dunha familia de xudeoconversos de Ribadavia, diferentes etapas do desenvolvemento da comarca do Ribeiro, que nos axudan a comprender a relevancia histórica deste territorio desde finais da Idade Media e durante a Idade Moderna. Cenlle, Francelos, San Clodio, Lebosende ou Cuñas son escenarios desta historia cuxo epicentro é Ribadavia, pero que se estende tamén a lugares remotos como Londres ou Guatemala.

Fonte: Museo Etnolóxico

ADEGA lanza, xunto con outros colectivos, a campaña "Por un monte galego con futuro"

A campaña "Por un monte galego con futuro" dá comezo

ADEGA, Amigos da Terra, APDR, Asociación FROUMA, Asociación Galega de Apicultura, CIG, FRUGA, Comando Ghichas, ORGACCMM e SLG, entre outras, presentaron esta mañá, en rolda de prensa, unha proposta conxunta “Por un monte galego con futuro” e cuestionaron tanto as que se están a barallar na revisión do Plan Forestal que está a tramitar a Xunta de Galiza, como as medidas contempladas na Estratexia Galega contra o Cambio Climático. 

As organizacións convocantes consensuaron un documento no que se recollen toda unha serie de valoracións e propostas que permitirán favorecer o papel dos ecosistemas forestais para, no actual contexto de mudanza climática, mitigar os efectos do quecemento global, mais non só como reservorios de carbono, senón tamén como fornecedores de servizos ecosistémicos, como o mantemento da biodiversidade, a regulación do ciclo da auga, a fertilidade do solo, a capacidade de purificación da auga e do ar ou a loita contra a erosión, entre outros.

Eucalipto e especies de crecemento rápido

Por iso cuestionaron o recente borrador da Estratexia Galega contra o Cambio Climático no que “só interesa fixar máis carbono en máis madeira o máis rápido posíbel”, o que ao seu entender “potenciará o cultivo do eucalipto e doutras especies de crecemento rápido”. Especies que se ven ademais favorecidas, para o seu uso en repoboación, no Decreto 163/2014 do Estado español para a compensación e absorción de dióxido de carbono. A este respecto lembraron que o recente informe do IPBES (Panel Internacional para a Diversidade Biolóxica, UNESCO) cifra en 290 millóns de hectáreas a superficie de bosques naturais perdidos no planeta entre 1990 e 2015, e en 110 millóns de ha o aumento das plantacións forestais no mesmo período. Por iso advertiron que “unha plantación forestal non pode ser considerada un bosque, e menos se se trata de especies invasoras e de crecemento rápido que, como os eucaliptos, empobrecen o solo e diminúen a biodiversidade. Nin sequera contribúen a fixar carbono neto ao favorecer as cortas en ciclos curtos para queimar en plantas industriais de biomasa”.

Plan Forestal: 35.000 ha de eucalipto máis

Subliñaron que o Plano Forestal que está a tramitar a Xunta promove a ocupación de 35.000 ha máis de eucalipto sobre un exceso de 300.000 Ha con respecto á planificación anterior. Fronte a iso reclamaron que as Administracións galega e estatal aposten por unha planificación para o monte galego que teña en conta o actual contexto de perda acelerada de biodiversidade e dos efectos do cambio climático, e que non se use isto como escusa para seguir potenciando as repoboacións con eucaliptos e outras especies invasoras. Apostan, ademais, polo peche do ciclo produtivo da madeira na Galiza, de xeito que cunha regulación do monte adecuada, que favoreza a biodiversidade, mais permita a explotación forestal ordeada, se recupere o tecido industrial que se dedicaba aos aproveitamentos forestais, algo que permitiría a recuperación de postos de traballo e a fixación de poboación no rural.

Anulación da actual proposta do Plan Forrestal

As organizacións sindicais, ecoloxistas e do mundo rural coincidiron en valorar que na posta en valor do monte, de xeito multifuncional e sustentábel, ten incidencia a estrutura da súa titularidade. Lembraron que as recomendacións da FAO e da mesma Unión Europea indican que hai que camiñar cara unha tenencia máis xusta destas terras e cara á devolución destas ás colectividades locais. Fronte a isto denunciaron que ”en Galiza existe unha titularidade que xa cumpre estes preceptos, que son os montes veciñais en man común. Mais, o que fai o Partido Popular con este tipo de titularidade do monte é proceder á súa privatización”. 

Por iso demandaron a anulación da actual proposta de revisión do Plan Forestal de Galiza e a elaboración dun novo documento que parta de información actualizada sobre a situación do monte galego, dunha participación equilibrada de todos os axentes sociais, e que siga como principios reitores a diversidade de hábitats e especies, a multifuncionalidade de usos, o fomento do arborado autóctono, o mantemento dos servizos ecosistémicos, a non privatización dos montes veciñais, a creación de emprego e a sustentabilidade económica e social.

Entidades asinantes

• Asociación pola Defensa Ecolóxica de Galiza (ADEGA)
• Asociación Frouma
• Asociación Cultural Bidueiro
• Asociación Galega de Apicultura (AGA)
• Asociación Pola Defensa da Ría (APDR)
• Amarelante S. Coop. Galega
• Amigos da Terra
• Amigos e Amigas dos Bosques "O Ouriol do Anllóns"
• Colectivo Agrocuir da Ulloa
• Confederación Intersindical Galega (CIG)
• Comando Ghichas do Valmiñor
• Cova Crea
• Federación Rural Galega (Fruga)
• Kunterbunt Design
• Montegal
• Organización Galega de Comunidades de Montes (ORGACCMM)
• Petón do Lobo
• Sindicato Labrego Galego (SLG)
• Verdegaia

A proposta "por un monte galego con futuro" é a seguinte:

POR UN MONTE GALEGO CON FUTURO

8 de xullo de 2019

No actual contexto de mudanza climática o papel dos ecosistemas forestais vai resultar chave para mitigar os efectos do quecemento global, mais, non só como reservorios de carbono, tamén como fornecedores de servizos ecosistémicos, como o mantemento da biodiversidade, a regulación do ciclo da auga, a fertilidade do solo, a capacidade de purificación da auga e do ar, a loita contra a erosión, etc. 

Porén, no recente borrador da Estratexia Galega contra o Cambio Climático só interesa fixar máis carbono en máis madeira o máis rápido posíbel, o que potenciará o cultivo do eucalipto e doutras especies de crecemento rápido. A repoboación con estas especies tamén se ve favorecida polo Decreto 163/2014 do Estado español para a compensación e absorción de dióxido de carbono. 

Por outra banda, o recente informe do IPBES (Panel Internacional para a Diversidade Biolóxica, UNESCO) cifra en 290 millóns de hectáreas a superficie de bosques naturais perdidos no planeta entre 1990 e 2015, e en 110 millóns de ha o aumento das plantacións forestais no mesmo período. Mais, unha plantación forestal non pode ser considerada un bosque, e menos se se trata de especies invasoras e de crecemento rápido que, como os eucaliptos, empobrecen o solo e diminúen a biodiversidade. Nin sequera contribúen a fixar carbono neto ao favorecer as cortas en ciclos curtos para queimar en plantas industriais de biomasa. 

Tampouco debemos esquecer que o uso principal do eucalipto cortado no país é o da súa transformación en pasta de papel na fábrica de Lourizán (Pontevedra), un proceso industrial que provoca que todo o CO2 previamente absorbido polas árbores sexa devolto incrementado á atmosfera, dando como resultado un efecto potenciador do proceso da mudanza climática. 

Malia a todo, o Plano Forestal que se está a tramitar pola Xunta promove a ocupación de 35.000 ha máis de eucalipto sobre un exceso de 300.000 Ha con respecto á planificación anterior. 

Consideramos que as Administracións galega e estatal deben apostar por unha planificación para o monte galego que teña en conta o actual contexto de perda acelerada de biodiversidade e dos efectos do cambio climático, pero que non debe utilizar este como escusa para seguir potenciando as repoboacións con eucaliptos e outras especies invasoras. 

Na posta en valor do monte, de xeito multifuncional e sustentábel, ten incidencia a estrutura da súa titularidade. Recomendacións da FAO e da mesma Unión Europea indican que hai que camiñar cara a unha tenencia máis xusta destas terras e cara á devolución destas ás colectividades locais. En Galiza existe unha titularidade que xa cumpre estes preceptos, que son os montes veciñais en man común. Mais, o que fai o Partido Popular con este tipo de titularidade do monte é proceder á súa privatización. 

Neste senso, pedimos a anulación da actual proposta de revisión do Plan Forestal de Galiza e a elaboración dun novo documento que parta de información actualizada sobre a situación do monte galego, dunha participación equilibrada de todos os axentes sociais, e que siga como principios reitores a diversidade de hábitats e especies, a multifuncionalidade de usos, o fomento do arborado autóctono, o mantemento dos servizos ecosistémicos, a non privatización dos montes veciñais, a creación de emprego e a sustentabilidade económica e social. 

A continuación, as entidades asinantes deste documento concretamos algunhas das medidas máis necesarias de cara á planificación do futuro do monte galego: 

Sobre masas forestais de eucaliptos e outras especies exóticas invasoras 

• Moratoria indefinida para novos plantíos de Eucalyptus e prohibición na RGEP (Rede Galega de Espazos Protexidos). 
• Prohibición das novas plantacións de Eucalyptus nitens e de repoboacións con robinias, acacias, Pawlonia e bambús, e outras especies invasoras. Erradicación destas na RGEP. 
• Programa de Redución Progresiva da superficie ocupada por eucaliptos e doutras especies exóticas invasoras presentes no monte galego: robinias, ailantos, cortaderias, calas, ortensias, bambús, crocosmias, etc. 
• Programa de eliminación das plantacións ilegais en terras agrarias e bosques autóctonos. 
• Modificación do “Decreto 163/2014 para a compensación e absorción de dióxido de carbono a través de masas forestais” para: excluír as masas de eucalipto e doutras especies exótica invasoras como sumidoiros de carbono; evitar as repoboacións forestais sobre terreos queimados; limitar as quendas de corta a un mínimo de 30 anos e introducir variantes de carácter social e ambiental na valoración dos proxectos. 

Sobre aproveitamentosforestais e peche do ciclo produtivo

• Promoción do ciclo completo da transformación da madeira en Galiza. 
• Recuperación do tecido industrial dedicado aos distintos aproveitamentos forestais. 
• Investimento na promoción da produción de madeira de calidade e doutros produtos do monte. 
• Apoio á investigación para unha industria forestal integral e sustentable. 
• Fomento do aproveitamento da biomasa forestal só residual. 
• Fomento da silvicultura con madeiras de calidade. 
• Prohibición dos cultivos enerxéticos. 

Sobre biodiversidade 

• Realización urxente do Inventario de masas de frondosas autóctonas, pendente desde 1992, e incentivos para a súa conservación e ampliación. 
• Establecer unha reserva ecolóxica do 30% para bosque nativo en plantacións forestais. 
• Agardar á publicación do V Inventario Forestal (IFN5) -a piques de ser publicado- para a elaboración dunha nova revisión do Plan Forestal. 
• Creación de bancos de xermoplasma ou de sementes das diferentes especies autóctonas, procurando, no posible, unha boa representatividade das especies e da súa variabilidade xenética en cada zona. 
• Axudas directas e exencións fiscais para o mantemento dos bosques autóctonos, mesmo con fins non produtivas, a produción ecolóxica e o aproveitamento multifuncional dos montes. 
• Programa de divulgación e educación sobre especies autóctonas e do seu valor ecosistémico, económico e social. 
• O cumprimento estrito por parte da Administración pública das funcións de custodia, vixilancia e policía que lle outorga a normativa vixente. 

Sobre lumes forestais 

• Creación dunha lei de ordenación dos usos das terras que favoreza a multifuncionalidade do monte e, por tanto, a súa prevención fronte os incendios forestais. 
• Promoción do pastoreo e a gandería extensiva como elemento natural de roza e prevención de incendios. 
• Recuperación dos 100 m de anchura para as redes secundarias de xestión da biomasa na loita contra os lumes, favorecendo alternativas multifuncionais para estas franxas de seguridade. 
• A xestión da biomasa nas franxas secundarias e terciarias farase con recursos públicos, agás nos casos nos que os/as titulares das vivendas construísen estes inmobles fóra do ordenamento xurídico. 
• Ruptura das masas monoespecíficas con faixas de separación de 100 m por cada 50 ha de eucaliptos, e de 50 m por cada 50 ha de piñeiros. 
• Incremento das distancias das plantacións forestais a terras de cultivo, ríos, zonas habitadas, vías de comunicación, etc. 
• Perímetro de exclusión de 25 m das plantacións forestais aos xacementos arqueolóxicos, e nos seguintes 25 metros un marco mínimo de plantación de 6x6 arredor destes elementos. 
• Os Plans de prevención de incendios deben elaborarse a nivel de Distrito, facendo os Concellos as adaptacións territoriais necesarias. 
• O PLADIGA será de carácter anual e aprobarase no último trimestre do ano anterior ao de aplicación. Deberá establecer obxectivos claros de prevención dos incendios forestais. 
• Creación dun único servizo público, profesional e adecuadamente formado de prevención e extinción de incendios. 

Sobre a titularidade, xestión e ordenación do monte 

• Nova lei de montes veciñais en man común que reforce o carácter xermánico da titularidade veciñal. 
• Devolución da xestión dos montes veciñais consorciados e/ou conveniados á veciñanza comuneira sen carga económica. De existir esta carga, sería achacábel á Administración forestal dado que foi ela a que xestionou estes montes. 
• Potenciar a mobilidade de terras abandonadas a través do Banco de Terras, como ferramenta de acceso á terra para o desenvolvemento de actividades agrarias, principalmente por persoas labregas. No caso dos terreos de MVMC, o alugueiro non poderá ter duración nen uso que comprometan a titularidade e recuperación dos mesmos pola veciñanza comuneira. 
• Incremento da xestión pública dos montes con fins conservacionistas. Nos MVMC este incremento levarase adiante baixo convenios con comunidades de montes e fórmulas de coxestión. 
• Exención, debido ás características do territorio forestal galego, da obriga de contar cun instrumento de ordenación de montes para as parcelas particulares de superficie igual ou inferior a 1 Ha; eliminando, por tanto, a adhesión a modelos silvícolas. En todo caso, estas parcelas deberán adaptarse ás directrices marcadas nos PORF (Plans de Ordenamento dos Recursos Forestais). 
• Retirada das comunidades de montes como suxeito pasivo no Imposto sobre Sociedades e elaboración, desde Galiza, dunha fiscalidade axustada á figura e ás funcións dos montes veciñais. 
• Pulo a fórmulas que favorezan unha xestión colectiva do monte máis democrática e social.

Fonte: ADEGA