Felices Festas e Bo Nadal 2018

A todos os socios e amigos da Asociación Cultural Bidueiro queremos desexarvos unhas moi Felices Festas e Bo Nadal 2018. 

O domingo 13 de xaneiro teremos a primeira actividade do 2019, será unha camiñada para a cal abriremos a lista de inscricións o xoves 3 e pecharémola o xoves 10. Proximamente engadiremos completa información sobre esta activiadade.

Felices Festas!!

Xantar de Nadal 2018

Xantar de Nadal
Visita sociocultural a Allariz
Domingo 16 de decembro

Preme aquí e verás fotografías da actividade

Actividade sociocultural en Allariz

Saída ás 10:00 h. desde en vehículos particulares desde o lugar de costume en Vigo.

Actividades socioculturais durante a mañá.

Visita guiada polas rúas de Allariz; arquitectura, cultura e historia.

 Visita guiada ao Museo do Coiro.

Xantar de Nadal en afamado restaurante do centro historico de Allariz.

 Xantar de confraternidade para lembrar bos momentos do 2018 que xa estará a piques de rematar.

Inscricións na secretaria da Asociación Tfno. 686-986-784 en horario de 19:30 a 21:30 h. desde o luns 3 ata o xoves 13 de decembro.

 Consultade sen compromiso calquera tipo de dúbida.

Vémonos en Allariz!!

Camiño Natural do río Barbantiño

Camiño Natural do río Barbantiño

02-12-2018

Preme aquí e verás algunhas fotografías e vídeos da actividade

O día 2 de decembro de 2018 tiñamos previsto facer unha camiñada pola Serra do Galiñeiro, días antes estabamos todos preparados pero intranquilos porque a climatoloxía non quería colaborar, o que complicaba moito o poder levala adiante.

A primeira hora do domingo día 2 o tempo no Galiñeiro era moi malo, choiva e moita néboa, ante esta situación decimimos cambiar o destino e ir cara a provincia de Ourense para facer alí outra camiñada ben diferente. 

Tivemos sorte en Ourense, ainda que o ceo amenazou todo o día con choiva, non chegou a caer nin unha soa gota, podendo facer así con tranquilidade unha fermosísima ruta polas beiras do río Barbantiño.

A ruta pola Serra do Galiñero queda para o mes de xaneiro de 2019, seguro que entón teremos máis sorte co tempo e poderemos gozar das vistas desde o máis alto dos concellos de Vigo, Mos e Gondomar.

Vémonos na seguinte!!

Magosto Social 2018

MAGOSTO SOCIAL

Domingo 25 de novembro de 2018

Preme aquí e verás algunhas fotografías e vídeos da actividade
O Magosto celebrarémolo no Parque Natural do Monte Aloia en Tui. 

Deprazrémonos ata Tui en vehículos particulares.

Sairemos 09:00 horas desde o lugar de costume en Vigo.

Actividade social para todos.

Opcionalmente faremos unha curta camiñada outoñal de aproximadamente 7 km. e desnivel negativo (case todo o camiño de baixada).

A camiñada será unha adaptación de Bidueiro feita sobre varias e fermosas rutas dentro  Parque Natural.

Poderemos coñecer a gran variedade de especies arboreas existentes no Aloia.

Tamén visitaremos un poboado castrexos e moitos e antigos muiños. 

Despois da camiñada, entre todos faremos os preparativos necesarios para o Magosto e xantar de grupo.

Os que o desexedes, no momento da inscrición poderedes encargar o menú quentiño de outono para o xantar ou levar vosa propia comida. Consultade as diferentes opcións.

Inscricións chamando á secretaría Tfno. 686-986-784 en horario de 19:30 a 21:30 desde o xoves 15 ata o xoves 22. (prazas limitadas)

As condicións climatolóxicas nos serán impedimento para que poidamos realizar o Magosto.

No suposto de moi mal tempo, poderíamos modificar ou incluso cancelar a camiñada pero non o magosto, avisando previamente desa circunstancia a todos os inscritos.

Ven con Bidueiro a coñecer o Parque Matural do Monte Aloia e a celebrar o seu 40 aniversario. 

Calquera típo de dúbida podedes consultala chamando á Asociación Tfno. 686-986-784 en horario de 19:30 a 21:30 h. ou escribindo á dirección de correo acbidueiro@gmail.com

As inscrición soamente se poden facer chamando por teléfono.

Vémonos!

I Xornadas Micolóxicas en Bidueiro

I Xornada Micolóxica en Bidueiro

Domingo 11 de Novembro

Preme aquí e verás algunhas fotografías e vídeos da actividade
O domingo 11 de novembro celebraremos a I Xornada Micolóxica en Bidueiro e para elo desprazarémonos ata o concello de Allariz.
Sairemos ás 08:30 h. en vehículos particulares desde Vigo ata os montes e zoas de campo da contorna de Allariz.

Faremos longos paseos polo campo e monte na procura dos preciados cogomelos que cas últimas chuvias estarán agardándonos.
Recibiremos breves explicacións de campo sobre a gran maioria dos cogomelos atopados e das diferentes variedades existentes nos montes galegos.
Para participar e recomendable levar roupa cómoda para camiñar polo monte, calzado axeitado e roupa de abrigo ou chuvasqueiro según climatoloxia. Os participantes de desexen recoller os seus propios cogomelos deberán levar unha pequena navalla ou similar así como unha pequena cesta de vimbia (mimbre).

Introdución á elaboración e degustación de cogomelos.
Hai que levar mochila e comida para o xantar, o que faremos nun local acondicionado e que debemos deixar perfectamente limpo, polo que é imprescisdible levar calzado limpo para cambiarse antes do xantar.

Ver vídeo premendo aquí  do inventario micolóxico realizado polo taller de emprego Terras de Rosendo.

Inscrisción obrigada na secretaría da Asociación Tfno. 686-986-784 desde o venres 2 ata o xoves 8 de novembro.

Aniversario 2018 - Asociación Cultural Bidueiro

Este mes de outubro estamos de aniversario e ímolo celebrar o domingo 28.

Domingo 28 de Outubro

Celebración Aniversario

Asociación Cultural Bidueiro

Preme aquí e verás algunhas fotografías e vídeos da actividade

Actividade sociocultural a celebrar no concello de Celanova durante toda a xornada do 28 de outubro.

Lista de inscricións aberta desde o xoves 18 ata o xoves 25

Horario da secretaría de 19:30 a 21:30 h

Tfno. 686-986-784

O Courel

Saída ao Courel 

Días 12, 13 e 14 de Outubro

Preme aquí e verás algunhas fotografías e vídeos da actividade
Actividade de coñecemento da natureza, pobos e cultura do Courel.
Tres días respirando aire puro e gozando das fermosas paixases do Courel en outono.
Os dous primeiros días aproveitaremos para facer rutas de SENDEIRISMO e introducirnos nos recunchos máis fermosos e nas aldeas de montaña máis afastadas.
O último día aproveitaremos para facer diversas visitas para coñecer mellor algúns dos pobos de estas coloridas montañas.

• Saída en vehículos particulares (voluntariamente e a nivel particular podense compartir plazas e gastos, Bidueiro axudará na organización das prazas dispoñibles, sempre que o punto de saída e chegada sexa o estipulado en Vigo).
• Pernocta en aloxamento tipo albergue con todos os servicios.
• Nas rutas de sendeirismo temos que levar o bocatas para xantar no transcurso da camiñada.
• Ceas: o primeiro día no albergue e o segundo en restaurante típico.
• Coñeceremos, aldeas, pobos e lugares como: Folgoso, A Seara, Seoane, Vilamor, Visuña, Vieiros, Ferramulín, Froxán, Vilar, Fervenza de Vieiros, Ferrería Locay, Devesa da Rogueira, Castro de Vilar, Mirador de Polín, etc.
• Prezo total 60 € queico: rutas de sendeirismo e visitas culturais, almorzos, unha cea en restaurante típico así coma os seguros de R.C. e Accidentes a cargo de Bidueiro.

Xa está aberta a lista de inscricións provisionais e terémola así ata día 25 de setembro as 21:30 h. ou ata esgotar as prazas dispoñibles. Ata díta data a reserva da praza é sen compromiso ningún pola vosa parte, podendo comunicar a baixa en calquera momento.

A partir do 26 de setembro as inscricións da lista provisional, salvo aviso de baixa, pasarán a ser en firme e con compromiso de pago. Igualmente, no caso de quedar prazas dispoñibles prazas pederanse facer inscricións en firme ata completar o aforo, pero é moi problable que teñamos que pechar as listas con antelación para formalizar todas as reservas, por este motivo, é bo que aseguredes a praza durante a listra provisional sen compromiso.

Calquera tipo de dúbida podedes consultala sen compromiso na Asociación Tfno. 686-986-784 en horario de 19:30 a 21:30 h.

Imos coñecer para protexer O Courel

Parque Natural do Courel XA!

Ti que opinas?

Ver vídeo premendo aquí

Lexicógrafos miúdos do Courel

Fonte: Real Academia Galegia / Fonte das Palabras

Inscricións por teléfono, chamando a secretaría da Asociación

Tfno. 686-986-784 en horario de 19:30 a 21:30 h

Fragas do Mandeo

Domingo 30 de setembro

Fragas do Mandeo

Betanzos-Coirós

Preme aquí e verás algunhas fotografías e vídeos da actividade

Saída de SENDEIRISMO ambiental e cultural

Inscricións na secretaría da Asociación chamando ao Tfno. 686-986-784 en horario de 19:30 a 21:30 h. desde o xoves 20 ata o xoves seguinte día 27 de setembro ás 21:30 h.

Prezo da actividade: 5€ (xa incluidos os seguros de R.C. e Acc. contratados por #bidueiro)  

 Reserva da Biosfera Mariñas Coruñesas e Terras do Mandeo.

Saída en vehículos particulares

Hora de saída 08:30 h. desde Vigo (hai que estar 10 minutos antes no lugar de reunión)

 Camiñada de aproximadamente 15 km. con unha dificultade media que percorreremos ao longo de toda a xornada.

Hai que estar minimente afeitos a camiñar distancias similares ao longo de toda unha xornada, igualmente, os participantes non poderán ter impedimento físico ou prescripción médica que desaconselle a realización de este tipo de actividades. 

Hai que levar na mochila o que desexedes para xantar e para picar media mañá, auga, roupa según climatoloxía e calzado axeitado para camiñar por carreiros.

Para consultas e inscricións podedes chamar ao Tfno. 686-986-784 en horario de 19:30 a 21:30 h.

Para consultas e inscricións podedes chamar ao Tfno. 686-986-784 en horario de 19:30 a 21:30 h.

  Ven con Bidueiro a coñecer para protexer!