Isaac Díaz Pardo, no aniversario do seu nacemento.

Fotografía: Martiño de Lopo

Lembramos a Isaac Díaz Pardo, artista, empresario e galegista nado en Compostela tal día coma hoxe en 1920. Dende moi novo frecuentou o taller do seu pai, Camilo Díaz Baliño, pintor e escenófrafo asasinado tralo golpe de estado de 1936. Foi o fundador en 1947 de Cerámicas do Castro e no ano 1970 do Museo Carlos Maside.

Estudou belas artes e foi un artista polifacetico, ao longo da sua dilatada traxectoria recibiu moitas distincións, entre as que podemos destacar: a Vieira de Prata do Padroado da Cultura Galega de Montevideo (1995), o Pedrón de Ouro (1976), o XLI Premio Fernández Latorre (1999), o Premio Arquitecto Honorífico polo Colexio de Arquitectos de Galicia (2001) ou o Premio das Letras e das Artes de Galicia (2003). 

Faleceu na Coruña o 5 de xaneiro de 2012.

Fotografía: Lourdes Cardenal

Na seguinte ligazón podemos ver unha das últimas entrevistas realizadas a Isaac Díaz Pardo, na cal relata o desenvolvemento da súa vida.

Ver aquí a entrevista concedida a Universidade de Vigo.